2ª EDICIÓN DO INFORMATIVO DO XOCAS

Fíxose esperar, pero xa está lista a 2ª edición do noso informativo. Os reporteiros e reporteiras de 3º e 4º xa están feitos uns expertos xornalistas.

Nesta edición, na sección "Bande contesta" contamos coa inestimable colaboración do alcalde de Bande e de Xurxo, o noso monitor de actividades deportivas. Moitas gracias aos dous e a María do 1º ciclo, a muller do tempo nesta edición.

Esperamos que vos guste e que poñades moitos comentarios.

Gustaríanos moito que nos puxésedes suxerencias para a próxima edición.

INFORMATIVO DO XOCAS

Xa está aquí a primeira edición do Informativo do Xocas.

Todos os redatores e redatoras de 2º ciclo, as presentadoras e a colaboradora do 1º ciclo: Ánxela, traballaron moito para que todo saíse perfecto.

Moitas gracias a todos os entrevistados.

A ver que vos parece.

 

PROBLEMIÑAS

Dadas as inclemencias climáticas da semana pasada a esperada estrea dos "Informativos do Xocas" vai un pouco retrasada. Aínda así, esperamos que esta semana xa estea todo listo.

Perdoade pola espera!!!!!

3, 2, 1...

A conta atrás está a punto de rematar para poder ver a primeira edición do "Informativo do Xocas". Os reporteiros e reporteiras do 2º ciclo están traballando a marchas forzadas para poder estrear o informativo a semana que ven.

Ademais estamos moi contentos porque imos recibir a colaboración dos nenos do 1º ciclo como homes e mulleres do tempo. Vano facer xenial.

Polo de agora temos lista a cabeceira. A ver que vos parece...

Que nervios!!!!!

TEMOS LOGO

Pasiño a pasiño ímoslle dando forma ao noso informativo. Presentámosvos o noso logotipo. 

COMEZA O 2º TRIMESTRE

Despois das merecidas vacacións de Nadal xa estamos todos aquí de novo, e os alumnos e alumnas do 2º ciclo imos comezar un novo proxecto: un informativo.

Durante todo este trimestre volverémonos reporteiros. Traballaremos diferentes novas da actualidade do centro e da comarca e realizaremos un noticierio que colgaremos cada 15 días no noso blog. Esperamos que teña moito éxito.

Xa empezamos a traballar na primeira edición, así que estade pendentes porque en 15 días terédelo aquí colgado.

Un saúdo.

ABRE OS OLLOS

Fíxose de rogar, pero por fin está aquí a película dos rapaces e rapazas do 2º ciclo para todos aqueles que non puidestes asistir á presentación no festival de Nadal que por certo, foi todo un éxito.

Esperamos que vos guste e que  vos faga reflexionar e animámosvos a que nos deixedes os vosos comentarios sobre a peli.